Shillong:Ha ka jingjia ba kham khyllah, ki riew shukor ha Gujarat kila rah ia ka nam u tyngshon phlim Bollywood u Anupam Kher da kaba tah da ka dur jong u ha ka lud T.500 kaba la kot sha ka T.1.6 klur.
Kane ka jingjia ba khampher, ka la paw pyrthei haba ar ngut ki briew kila thoh ia uwei u nongkhaii ksiar ha Admedabad da ka pisa thok, kaba don ka dur u Anupam Kher ha jaka ka dur u Mahatma Gandhi.
Ka la don ruh ka jingspel dak bakla ha jaka “Reserve Bank of India” la thoh “Resole Bank of India” ha kine ki lud T.500.
Ki dur jong kine ki pisa thok kila saphriang sted bha ha rynsan social media kaba la wanrah ka jingkyndit ia ki briew bad ka jingsngew danda artad. U Anupam Kher u la jubab halor kane da kaba phah da ka video jong kane ka jingjia ha ka Instagram jong u. Ha ka jingthoh jong u ha ka Instagram, u Anupam ula thoh, “Ka dur jong nga ha jaka jong u Gandhi ha ka lud san spah???, Kano kano ka lah ban jia.
U Anupam ula dei uwei na ki tyngshop uba pawnam bha ha ka phlim Bollywood bad ula ioh ar tylli ki khusnam National Film Award. Ula ioh ruh ia ka khusnam Padma Shri bad ka Padma Bhushan.