Shillong: Ka jingiathir kaba shi sngi jong ka thain shatei lammihngi ka India la pyllong ka Meghalaya State Rural Livelihoods Society (MSRLS) ryngkat The/Nudge Institute, Bangalore ha ka 27 tarik mynta u bnai ha Shillong.
Ka phang jong kane ka jingiathir ka long ban pynkhlain ia ka mariang bad ki kynja ba im khamtam u khunbynriew baroh hapoh jongka khamtam kiba la shah ieh. Ka thmu ruh ban lum ia ki kynhun bapher bapher ban wad ia ki lad ki lynti ban pynroi bad ban iada ia ki briew kiba la shah ieh shah niew bein kiba don ha kane ka thain shatei lammihngi ka India.
Ha ka jingkren ha kane ka jingiathir, u myntri ka tnad nongkyndong u A.T Mondal, ula ong ba ki don shibun ki lad ki kabu ia ki nongkyndong bad ula ai nuksa ba ka shnong Khweng ha ri-Bhoi ha kaba la thain jain da ka sap tynrai jongki bad kala iateh paralok ruh bad ka USHA International Ltd, ban pynlah ban pynmih bun. Ula kren ruh halor ka jingdonkam ki Self Help Group (SHG) jong ki kynthei kaba la kiew bha mynta naduh u snem 2018.
Ha kane ka prokram la ioh ruh ia ka jingkren na u Charanjit Singh, IFS, Add. Secretary ka Ministry ka Rural Development ka sorkar India ha ka jingdon lang u B Rajsekhar, IAS, Special Chief Secretary, ka sorkar Andhra Pradesh, ka Sampath Kumar, IAS, Development Commissioner bad u Principal Secretary ka sorkar Meghalaya bad kumjuh ki nongmihkhmat NRLM na ki jylla Assam, Tripura, Manipur, Bihar bad Jharkhand.
La ioh ruh ia ka jingiaphylliew jingmut na kiba wan iashim bynta na ki kynhun bapher bapher.