Shillong: Ka kynhun ki trai bad ki nongkhai mawshun ha ka jylla, kila ap ia ka rai ban mih na ka kashari Supreme Court halor ka mukotduma kaba ka sorkar jylla ka la iakhun mukotduma, ha kaba ki trai par bad ki nongkhaii mawshun kila iadon bynta ban pynbiang ia ki kot ki sla.
Kane ka mukotduma ka la iaid mynta la jan ar snem eiei haduh mynta bad ka jingbishar kan long ha ka 1 tarik risaw ban.
Ki trai bad ki nongkhaii mawshun kila leit sha Supreme Court ban kyrshan ia ka jingiakahun ka sorkar ban hadien ba kila shah khang ban shalan ia u mawshun shabar.
Haba kren ha kane ka sngi, u chairman ka Steering Committee ka kynhun ki trai par bad ki nongkhaii mawshun ha ka jylla, u bah Jropsing Nongkhlaw ula ong ba ki trai par bad ki nongkhaii mawshun kila ai ia ki kot ki sla sha ka sorkar. U bah Jrop ula kyrmen ba ka Supreme Court kan ai ia ka rai kaba sngew tynnad na bynta ki paidbah khamtam ia ki trai bad ki nongkhaii mawshun ha ka jylla hadien ba kila shah khang ban shalan shabar.