Shillong: Ka sawdong ka Lariti International Performing Arts ha Mawkasiang ka la tdem bad mih khlur blep lep lep ha ka miet sngi Saitjain na ka jingkyrhuh u Alan Walker u DJ ba pawnam ka pyrthei ban pynkhyrwait met khyrwait syngkai ia ki phew hajar ngut ki paidbah kynthei bad shynrang.
Ki jingtem jingrwai DJ jong u Alan Walker ka la pynshongshit ia ki paidbah haduh katta katta bad la sakhi ba ka nongbah Shillong ka dei shisha ka nongbah ka put ka tem kum sha ri sepngi. Ki paidbah na kylleng ka thain North East kila wan tuid khnang ban sakhi ryngkat ka jingkmen bad shongshit ia kane ka rynsan jong u DJ ba pawnam ka pyrthei ha kane ka sngi.
Na kane ka tamasa, ka la wanrah ruh ia ka jingsahkut kali kaba jur sha katei ka thain Sor Shillong thymmai, na ka jingshlei palat ki nongwan sha kane ka tamasa.
Lah ban kdew ba kane ka dei ka jingsdang ka tamasa jong kane ka snem bad nangne shakhmat, kin don bun ki tamasa kynthup ka Cherry Blossom kaban long ha u Naiwieng, bad kiwei.
Tdem bad mih khlur ka phyllaw Lariti ba kyrhuh u Alan Walker
