Shillong: U Jagadguru Shankaracharya u heh ka kynhun ki Hindu iada ia ka masi, ula poi ha Guwahati mynta ka step bad na Guwahati un wan her sha kad liengsuin ha Umroi ha ka por 12 baje.
Ha ka jingshisha ka sorkar jylla ka la thoh sha ka Airport Authority of India ban ym shah ia u ban hiar ha Umroi hynrei kam shym la lah ban shim rai halor kane namar ba ka shong ha ka bor ha Delhi.
Namar ba khlem shah khang ban wan dem ha Umroi, u Jagadguru Shankaracharya un iaid shakhamt ban wan sha Shillong mynta ka sngi.
Lah ban kdew ba ka Deputy Commissioner ka East Khasi Hills bad ka Ri-Bhoi kila pynjari kyndon 163 BNS ban mana ban ialum briew palat ia ka san ngut bad ban ym shah ban iaid rally. Lah ban kdew ba ki Sengbhalang bapher bapher kila pynkhreh ban pyrshah jur ia kane ka jingwan u Swami bad kila byrthen ban ym ailad satia ba un sieh lama ne pyllong kano kano ka prokram.
La poi Jagadguru Shankaracharya ha Guwahti Airport, 12 baje yn hiar ha Umroi
