Shillong: U Swami Avimukteshwaranand Saraswati un wan hiar da ka liengsuin lashai ka 28 tarik Nailur 2024 ha Umroi ha ka por 12 baje mynsngi.
Haba pynthikna ia kane, u Shailendra Yogiraj Sarkar uba dei u National Media Coordinator- Jagadguru Shankaracharya Ji Maharaj ula ong ba ha kane ka jingwan iuhkjat, u Swami un sieh lama masi bad ban dawa ban pyllong ia ka masi kum ka kmie ka ri India, ha kaba yn khang ban bam ban pyniap ia ka.
Lah ban kdew ba ki Sengbhalang bapher bapher kila pynkhreh ban pyrshah jur ia kane ka jingwan u Swami lashai bad kila byrthen ban ym ailad satia ba un sieh lama ne pyllong kano kano ka prokram.
Mynta ka sngi, u Swami ula shah beh noh na Aizawl ka Mizoram hadien ba u la leit iuhkjat ha katei ka jylla na bynta kajuh ka jingthmu. Hynnin ka sngi ruh ula leit phai noh tang nak ad liengsuin ha Nagaland bad Arunachal Pradesh hadien ba ka seng ki samla pule ka la pyrshah ia kane ka jingthmu jong u.
28 tarik yn wan u Swami Avimukteshwaranand ban sieh lama pynbna ia ka masi kum ka kmie
