Shillong: Kum shi bynta ban pyniajan ia u bynriew bad la ka jong ka mei mariang, ka Real Sports India ne Sportive, ka wan shakhmat ban pyntip ba kan pynlong ia ka iakob mareh bad iaid kaba 5 KM, kane ka jingiakob la buh ba kan long ha ka 27 tarik mynta u bnai Nailur kaba jia ryngkhat kaba dei artad ka sngi ban rakhe ia ka world tourism day.
Kane ka jingiakob kan sdang ha ka por por 6 baje mynstep na Dhankheti Parking Lot ( mar pyrshah Eldorado Guest House) sha Don Bosco School- Laitumumkhrah beat House- Fire Brigade- St. Edmunds College- Dhankheti- Malki- Barik-Civil Hospital sha Central Library- Barik- Malki bad ban pynkut biang ha Dhankheti.
Kum ka kynhun ka Real Sports India ka dei kaba la pynlong ia ka Mawlynnong Run Safari ha kine ki ar snem kiba la dep, kum ka dak ban kyntiew ia ka kam jngoh kai pyrthei bad ha ka juh ka por ka la pynbna ba mynta pat u snem kan pynlong sa ka Mawphanlur Runsafari Marathon ha u Nohprah 2024.
Yn pynlong ka Real Sports India ia ka iakob mareh bad iaid kaba 5km
