Shillong:U MP ka Rajya Sabha u Dr Werlok Kharlukhi ula kyntu ia ka sorkar ban thung da ka Kynhun tohkit ba laitluid na bynta ban tohkit halor ki jingmih jingkynnoh halor ki kynrum kynram ha ka Meghalaya Public Service Commission.
U Dr Kharlukhi haba kren sha ki lad pathai khubor mynta ka sngi ka 26 tarik Nailur 2024, ula ong ba ula phah shithi sha ki Myntri Rangbah ka jylla u Conrad K Sangma ban thung ia kane ka jingtohkit ba lailuid halor ka MPSC bad kyntu ban pyndep hapoh shibnai.
U Dr Kharlukhi ula pynpaw ia ka jingsngewkhia halor ka jinngkynnoh kyllum ia ki dkhot ka MPSC namar ba ka kurim jong u ka kong Corina Lyngdoh kadei kawei na ki dkhot ha ka MPSC.
Ha kajuh ka por, u Dr Kharlukhi ula ong ba katkum ka hukum jong ka Supreme Court ha ka UPSC eksam ka Written Test ki mark kidei ban long 87.5 percent bad 12.5 ki marks dei ban long na ka Personal Interview.
Ula ong ba kane ka hukum ka Spurem Court ka mih namar ba ka don ka jingleh buittuh ha Assam Public Service ha kaba u Chairman ka Assam u dang don ha Phatok haduh mynta.
U MP ka Rajyba Sabha u la ai nuksa ba u bah Pala dang shen u kren halor u droks bad u la wanrah bad kdew ia ka kyrteng jong u Symbud Myntri Rangbah bad u la bynrap ba kam lei lada u shim ia ka kyrteng jong u Symbud Myntri Rangbah ka jylla hynrei lada u bakla u hap ba siew T. 100 klur bad lada udei u Symbud Myntri Rangbah un don ha Phatok.
Ula ong ba lada ka jingtohkit ka lap ba ka kurim jong u ka donkti, un risain kum u MP khnang ba kin tip u briew ba kumno nga long.
Dawa tohkit u MP ia ka MPSC, lada lap donkti ka kurim un risain noh mar mar
