Shillong: Hadien ba ka sorkar jylla ka la lap ban pynpra noh ia kawei na ki Indoor Stadium kaba la rim bad ba la pawnam kaba don hapdeng jong ka nongbah katta U Tirot Sing Syiem Indoor Stadium, kane ka la wanrah jingeh pat ia ki riew ieit ialehkai badminton kiba don ia ka mynsiem ban pashat ne ban sam lem ia la ka jingnang bad jingtip ka jong ki sha ki khynnah bad ki samla ialehkai.
Halor kane, u t7 u la ioh ban iaklren bad u General Secretary ka Shillong Badminton Coaching Centre, u Rajesh Khana kaba la seng ia ka naduh u snem 2015, da ka jingthmu ban hikai bad ban pyntbit ia ki khynnah bad ia ki samla ha ka jingialehkai ia ka badminton.
Ha ka jingiakren ba du Khana uba ialade ruh u dei teng u riew ialehkai badminton u pynpaw ia ka jingeh ba naduh ba ka sorkar jylla ka la pynpra ia ka Tirot Singh Syiem Indoor Stadium, kaba u niew bad shim ia ka kum kmie, ka la buh jingeh ia kane ka shlem ai jinghikai ban pyndep hok ia la ka kamra kaba ka da thrang bad angnnud.
U Khana u la ong ruh ba kumba ka long ia mynta, kum ka kynhun kim tip shano kin poi namar kumba ka long ia mynta ha nongbah shillong ka indoor hall ka sorkar kaba don mynta ka dei kaba don ha JN Stadium, ha kaba ym lah ban tip ha kano ka por ka sorkar ka lah ba kan pynpra noh ia ka.
Kampher wat mar syndah bad kane ka indoor hall, ka don ka jingtei ia ka Indoor Hall kaba heh bad lano kan bam por pat ia ka ban pyndep.
Kumta kum u nongialehkai bad nongialam ia ki khynnah bad ki samla, u Khana u sngew ban kyntu ia ka sorkar ba kan ialeh ban pynbiang ia ki jaka ialehkai, khnang ban lah ban ialam bad btin lynti ia ki khynnah ban im sngi ha ki kam ia kilan bad ban ialehkai bad nalor katta ban lah ruh wat ban pynlait ia ka jingim ka jong ki na ka jingban khia ka jingpule.