Shillong: Ban pynshlur, ban khring bad ban pynbang ia ki khynnah ban pule ia ka sobjek saian, ka North East Centre for Technology Application and Research (NECTAR) ka la pyllong ia ka jingiathir kaba shi sngi ha St. Edmund College mynta ka sngi.
Ryngkat ka jingiatreilang bad ka Smart Village Movement bad ka Indian Institute Science Education and Research (IISER), ka NECTAR ka la pyllong ia ka Science Technology, Engineering and Mathematics (STEM). Ka jingmut ka long ban pynsngewthuh ia ka jingdonkam ka STEM ha ka juk pule kaba mynta.
Haba kren ha kane ka jingiathir, u Director ka tnad pule puthi ka jylla, u Swapnil Tembe u la ong ba bun ki khynnah skul ki salia ha ka sobjek STEM, bad kane ka jingiathir ka long ban khring ban pynsngew tynnad ia ki khynnah katkum ka sap bad kumjuh lyngba ki jinghikai kiba ki sngew tynnad.
U la ong ba bun ki khynnah skul ki jlep noh hadien ba kila poi ha klas VIII bad bun kim sngew tynnad ia ka sobjek saian bad kane ka mut baka lah ban don eiie kaba bakla, ha kaba ka donkam ban pynbeit ban khring ban pynsngew bang ia ki ban pule ha ka sobjek saian.
Da ka STEM khring ka sorkar ia ki khynnah skul ban bang ha ka sobjek saian
