Shillong: Namar ka jingkyntait u Vice Chancellor ka NEHU ban khot wat hadien ba kila phah jingtip, ki samla pule ka skulbah NEHU hapoh ka lama ka North-Eastern Hill University Students’ Union (NEHUSU) kila leit rung hi noh kluk ha kamra u Vice Chancellor u Pro. Prabha Shankar Shukla.
Ka NEHUSU ka la dawa na u Vice Chancellor ban khot noh ia ka jingialang ka Academic Council (AC) hapoh shi taiew ban iakren ia ki 10 mat kiba la mynjur ka University Grants Commission (UGC).
Haba kren sha ki lad pathai khubor mynta ka sngi 23 tarik Nailur 2024, President ka NEHUSU u bah Sandy Sohtun ula kam ba u Prof Shukla ula kyntait ban kynduh ia ki nongialam ka seng hadien ba kila phah jingthoh ban kynduh por 1baje bad hadien ba la sngewthuh ba um treh ban khot iakren, ki nongialam ka NEHUSU bad ki dkhot kila leit rung hi noh ha kamra jongu hadien ba kila ap ba un khot haduh 3baje janmiet.
U bah Sandy u la ong ba ka seng ka la dawa ba dei ban pyntreikam mardor iaka Draft Ordinance OC-20, kaba la mynjur da ka 112th Academic Council Meeting kaba long ha u Jylliew mynta u snem na bynta ka kynhun pule 2022-2024 shakhmat.
Bym khot iakren u VC, leit rung hi ki samla pule ka NEHU ban iakren
