Shillong: Ka tamasa iakob mareh thong ne ka 3rd Sohra International half Marathon ka la long kaba da iphuh iphieng d aka jiniashim bynta ryntih lang da baroh ki nongiashim bynta ba kynthup naduh ki rang ia mareh kiba dei nabar ri, na ka ri bad khamtam lei lei eh na kane ka jylla.
Ka jingiakob ka long ban iada bad pynsngewthuh ia ki bor ka mei mariang, ha kaba ha ka por ba ki nongiashim bynta ki dang ia mareh ia ka 21K, 10K bad ka 5K, ka suinbneng ka long kaba shit kaba shai, ia kaba ha ka por ba la pynkut, u slap bna nam jong ka shnong Sohra ryngkat ka jingtied u pyrthat ki wan ba kin ther bad kyrhuh kaba khring pat sha katta ka khana jong ka mynnor jong kane ka shnong ba pawnam tam ha kane ka sla pyrthei.
Katba ki nongiamreh ki dang iahsim bynta, arted lynti ki paidbah nongshnong shnong, na ki dong bad ki kyntoit ka lynti ban leit sha ka jaka ban pynkut ia ka jingiakob mareh, kli paidbah ki la mih na la ki rympei iing ki jong ki ban ia thap kti bad ai mynsiem ia kinongiashim bynta ba kin pyneh hi triang ialade ban mareh tad haduh ban da lah ban kam sha ka thong ka jingjop.
Na kilai tylli ki jingiakob kaba itynnad bad kabala khring bun bun bah ki nongwan iashim bynta ka dei ka iakob mareh jong ka 10K, kaba pynlong ia ki bor pyniaid ba shipor kin hap ban shim khia ba ka iakob ia mareh kan long da ka lynti kaba dei bad ha kiba bun ki khep la hap ruh ban kyrpad ia ki nongiashim bynta ba kin long kiba jai jai ne ban shah shkor ia ki jingbthah.
Ha kaba kut ka jingiakob mareh, ki bor pyniaid kim ka dak ban pyrto ia ka jingwan ban iashim bynta, ki la sam ruh da ki takma ne ba ki ong ka finisher medal, khnang ba kan long kum ka jingsah kynmaw ia ki nongiashim bynta baroh.
Ki riew pawkhmat kiba la wanban ia don b ynta bad ban sakhi ia ka jingialang ban sam khusnam ka kynthup ia u bah Kyrmen Shylla myntri ka sorkar jylla, u MLA ka Sohra bah Gavin Miguel Mylliemngap, NDC Sohra bah Titostrawell Chyrne, MLA ka Sehjlla bah Balajied Kupar Synrem, lem bad ki heh ophisar sorkar.
Haba phai sha ki resol jong ka jingiakob ha ka kyrdan iakhun jong ka 21K open category ki shynrang, u nongjop dei u Akashay Kumar, uba la lah ban pyndep ia ka thong ha ka 1:03.00 ba dna ka liang ki kynthei ka nam jop ka leit sha ka Ankita Ben Gavit kaba la pyndep ia ka thong ha ka 1:40:04.
Palat 7 hajar ngut iashim bynta shit rhem ki nongiamareh ha ka ka 3rd Sohra International Half Marathon
