Shillong: Ka sorkar India lyngba ka tnad kam pohiing ka la pynkhreh ban leit rah noh ia ka jingpynkylla kaba 125 ka riti synshar ka ri halor ka Sixth Schedule ha u bnai Nohprah mynta u snem 2024.
Ia kane la pyntip u CEM ka KHADC u bah Pyniaid Sing Syiem hadien ba ki nongialam na ki Autonomous District Council ka thain North East kila iakynduh ia u AK Mishra, Adviser ka tnad Home ministry ka sorkar India ia kane ka thain North East.
U bah Pyniaid uba dei ruh u Convener jong ki Autonomous District bad Territorial Council ha kane ka thain, u la ong ba kane ka dei ka khubor kabab ha na bynta ki District Council ha kane ka jylla bad ha ka North East baroh, ba ka sorkar India ka la shim khia.
U bah Pyniaid u la ong ba ka KHADC ka la kren shai ha ka sorkar India ba kan ym iapein ia ka jinglong kyrpang ha ka riti dustur, synshar khadar jong ka jaitbynriew bad, u la ong ba la ioh khubor na u Adviser u AK Mishra ba ka sorkar India ka kwah ban pynneh ia ka jinglong kyrpang jong ki jaitbynriew riewlum ha kane ka thain.
U AK Mishra u dei uwei na ki ksiang ka sorkar India ha ka jingiakren iasuk bad ki kynhun seng lehnoh kynthup ha kane ka jylla Meghalaya.
U CEM u la ong ba ha kane ka taiew, u AK Mishra un kynduh ia la kijong kijong ki Council kiba don ha kane ka North East.
Mut shisha ka sorkar India, ha u Nohprah yn pynkylla ka sorkar India ia ka Sixth Schedule
