Shillong:Ha ka jingjia ba kham phylla kaba la khring ia ki paidbah ka Bihar, uwei u khynnah ba 18 snem ka rta uba la tip kyrteng kum u Mithilesh Kumar ula shah kem ha ki pulit hadien ba ula leh mynleh kum u pulit IPS ophisar.
Une u khynnah samla ula riam da ka sopti uniphom, ryngkat u badge bad ka pistol, ula iaid pyni khyllew hynrei ula shah kem noh pynban ha ki pulit kiba la pyllong ia ka jingtalasi ha ka Sinkadara Chowk.
U Mithilesh, uba dei na ka shnong Govardhan Bigha, ula kam ba ula pass ia ka eksamin ban long u IPS ophisar lyngba ka jingiakhun jong u bad ka tulop 2 lak tyngka. Hynrei kane ka jingleh jong u, ka la kynduh ia u ia ka apot sepsngi, hadien ba ula shah kem noh.
Hadien ba la kylli bad tohkit ki pulit, ula iathuh ba ula pan kylliang ia ka pisa na ki kni jong u, ba un long un IPS ophisar.
Hynrei ha ka jingtohkit ki pulit, u Mithilesh ula iathuh ba ula siew ia ka pisa ia uwei u briew uba kyrteng u Manoj Singh, uba kular ban pyllong ia u kum u IPS ophisar. U Singh ula ai ia u ka uniphom, ka suloi haduh ba ka la pyllong ia u Mithilesh ban sngew ba ka jingphoh sniew jong u, ka la urlong.
Ki briew kiba iohi ia u, kila ialum sawdong ia u haba ki iohi ba u riam kum u heh pulit bad kim tip ba u shu leh thok.
Ka jingleh thok jong u ka la paw hadien ba um pat nang kumno ban leh kum u pulit ophisar bad kane ka la pynsuba jur ia ki pulit bad kila rah ia u ban tohkit haduh ba ula phla ia kane ka kam thok.
Kylla IPS ophisar u khynnah hadien ba thied uniform, pistol T. 2 lak
