Shillong: Mynta ka sngi 19 tarik Nailur 2024, u myntri rangbah ka jylla u Conrad K Sangma ula ai khublei ia ka North East United FC ha madan JN Stadium Polo Shillong hadien ba kala rah ia ka takma ksiar na ka lympung 133rd Durand Cup 2024 dang shen.
Ha ka jingkren ai mynsiem, u myntri rangbah ula ong ba ka jingshit rhem ki paidbah khamtam ki samla ia ka kynjatbol ha Meghalaya ka long kaba haduh katta katta bad baroh kila sakhi ha ka lympung Durand Cup kaba dang shu kut.
Ula ong ba watla ka kyrteng ka North East hynrei kaba sngew tynnad ka long ba ka dei ia ka Meghalaya kaba iateh paralok bad ka sorkar jylla.
Ula kitbok ba ia ka jingiaid lynti jongka nangne shakhmat.
Ai khublei u Myntri Rangbah ia ka North East United ba jop ia ka Durand Cup
