Shillong: Ha ka 17 tarik Nailur 2024, ki shipai ap khappud ka India, ki BSF kila ioh ban kurup noh ia bun song ki Biri bad 12 tylli ki muid kiba la thmu ki nongshalan tuh ban die sha Bangladesh na khappud ka India kaba hap ha East Khasi Hills.
Ha ka kyrwoh ki BSF, kine ki jingioh kurup kila kot sha ka 16 lak tyngka. Ka jingioh kurup ki BSF ka long hadien ba kila pynap shrip na ka jingioh jingtip ba ki don ki briew kiba la thmu ban shalan tuh ia kine sha Bangladesh.
Ki BSF jong ka 193 Battalion Meghalaya kila ioh ruh kurup ruh ia ki kynja jingbam bad ki jain kiba la thmu ban shalan tuh.
Kurup Biri, muid bad ki jain ki BSF ba thmu shalan tuh sha Bangladesh
