Shillong, Nailur 17: Ka myntri ka tnad ka koit ka khiah ka jylla, ka kong Ampareen Lyngdoh ka la iasam lem ia ki khana kiba la wanrah na ri Japan.
Haba kren mynta ka sngi, ka kong Ampareen ka la iathuh ba ki samla na kane ka jylla kiba trei nurse ha katei ka ri, ki shngain, ki kmen bha bad ki bor pyniaid ruh ki ai ka jingshakri kaba biang ia ki. Ka la ong ba ki jaka sumar ha ka ri Japan ki kwah shuh ia ki Nurse na kane ka jylla ban khot trei sha katei ka ri bad ka la ong ba ka sorkar ka la phah ia ki samla ha ka jaka kaba bha bad kaba biang. Ki don 26 ngut ki samla Khasi kiba leit trei sha katei ka ri Japan. Kaba donkam bha ka long ba ka donkam ban nang ban kren ia ki ktien jong katei ka ri bad ka la ong ba ki nurse na ka Meghalaya kila paw nam bha ha Japan.
Ka la iathuh ba ka la leit sha Thailand ruh ha kaba ka rukom sumar ka dei kaba biang bha bad ki nang kumno ban sumar bad ialeh pyrshah ia ki don HIV AIDS, kiba khaii met ruh ha ka rukom kaba tbit haduh katta katta.
Ka la iasam ruh ia ka rukom rep tit ha katei ka ri Japan, kaba iahap bha bad ka jinglong ka suin bneng ha kane ka rilum Khasi. Ka la ong ba ka jingleit jongka sha kitei ki ri, kam dei kaba shu leit kai hynrei na bynta ka jingdonkam jong ka jylla.
Sngap ia ki khana ba wanrah ka Kong Ampareen na ri Japan
