Shillong: Ka myntri ka tnad ka koit ka khiah ka jylla ka kong Ampareen Lyngdoh ka la ong ba kito ki samla kiba leit pule doctor na ka bhah ka sorkar jylla, ki dei ban wan phai biang sha ka jylla ynda kila pyndep.
Haba kren mynta ka sngi, ka kong Ampareen ka la ong ba ka donkam ban don ki doctor specialist ha kane ka jylla kaba dang duna palat haduh katta katta.
Ka la ong ba kiba pule doctor ynda kila pyndep, ki la dei ban wan phai ban shakri ia ka jylla katkum ka jingiateh bad mynta ka sorkar kan bishar bniah ia kane, namar ba bun ki doctor kim wan phai ynda la pyndep ia ka jingpule.
Ka la ong ruh ba ka klas ban pule doctor ha Meghalaya kan sdang ha u snem 2025 bad ka sorkar ka la kut jingmut halor kane.
Kiba leit pule doctor na bhah ka sorkar, kin hap wan phai beit sha ka jylla, ong ka kong Ampareen
