Shillong: U myntri sorkar uba dei u nongialam ka BJP u bah AL Hek u la ong ba ka BJP ka dei kaba synshar ha ka ri bad ha kiba bun ki jylla ha thain shatei lammihngi ka India bad kan pynthikna ba kan jop ha ka elekshon shiteng samoi na Gambegre konstitwensi.
Haba kren mynta ka sngi, u bah Hek u la ong ba haduh mynta ka party kam pat rai iano ban pynbna ia u kyrtong watla kila don bun kiba pan tiket.
U la ong ba ha kane ka kynti ka BJP kan ym iateh paralok bad ka NPP hynrei lada ka seng kmie ka la bthah ban iatreilang, ka BJP Meghalaya ka hap ban bud ia kata ka jingbthah.
U la ong ba lada ki paidbah ki kwah bun ki kam pynroi, ki dei ban jied ia ka BJP. U la ong ba ka BJP ka don la kajong ka jinglong kyrpang bad kam don jingeh ban jop na Gambegre lada ki nongialam kin wan ban ialap elekshon ha Gambegre. U la ong ba ka jingkren pyrshah ia ka BJP, ka dei kaba naduh hyndai, bad kam ym treikam satia ha ki paidbah.
Ka BJP Meghalaya kan iakhun na Gambegre, ngin trei tyngeh ban jop: Hek
