Shillong: Ki saw tylli ki hima kiba jan bad ka khappud Meghalaya-Assam, ba kynthup ia ka Hima Mylliem, Hima Jirang, Hima Nongkhlaw bad ka Hima Nongspung ki la ujor sha u CEM ka KHADC, u Bah Pyniaid Sing Syiem halor ka jingbteng jong ki briew na Assam ban kam trai ia ki jaka bad pynthut ia ki kam pynroi ha ki shnong ha khappud.
U Syiem ka Hima Jirang, u Paiem Hamberley Wahlang u la ong ba haduh mynta ka don ka jingpynthud jong ki briew na Assam ha ki jaka khappud, wat haba ka jingiakren pynbeit pud ka dang iaid hapdeng ki ar Jylla. U la ong ba ka jingbuh jingujor ha u CEM ka KHADC ka long khnang ba ka Council kum ka nongkhmih ka ki jaka puta kan tuklar lem.
Na ka liang u CEM u la ai ka jingkular sha ki hima ban shim khia ia kane ka kam, ha kaba u la bthah ruh ia u Dy CEM, u Bah Pynshngaiñ N Syiem ban iasyllok bad ki stad aiñ ka council ban iada ia ki jaka ha khappud kiba hap hapoh u pud u sam ka KHADC.
Bteng ka jingpynthut ki briew na Assam ha khappud, ujor ki saw Hima sha u CEM ka KHADC
