Shillong: Ka kynhun ka jaitbynriew Meitei kiba sah ha Shillong mynta ka sngi kila pyllong ia ka jingshong kyrain ha nongbah Shillong ban pyrshah ia ki kam thombor pyrshah ia ki Meitei.
Hapoh ka lama ka Manipur Elders Consortium Shillong kila ialum lang khrui ryngkat ki placard, ki banner kiba thoh pynrem ia ki kam thombor ia ki Meitei ha jylla Manipur.
U President ka Manipur Elders Consortium, u Munish Singh, ula ong ba ka jaitbynriew Meitei kila kynduh ia ki jingeh ki jingjynjar la palat shi snem mynta ha jylla Manipur bad ki la don ruh ki khubor hamsaia kiba pynsniew dur kiba la saphriang ha ki lad pathai khubor ka ri. U la ong ba kane ka jingpynsaphriang ia ki khubor bym shisha, ka dei ban sangeh shi syndon na bynta ka jingbit jingbiang bad ka bha ka miat jong ka jylla Manipur baroh kawei.
Shong kyraiñ ki Meitei ha Shillong pyrshah ia ki kam thombor ha Manipur
