Shillong: Ka jingpyllait paidbah ka sorkar ia ka khalai nusip kaba T.50 klur kam long kaba bha ia ka jylla, katkum ka jingong ka Voice of the People Party (VPP).
Dang shen ka sorkar jylla dang shen ka la pyllait paidbah ia ka khalai nusip kaba kot sha ka T.50 klur ia ki nongjop.
Haba kren mynta ka 13 tarik Nailur 2024, u President ka VPP, bah Ardent Miller Basaiawmoit uba dei ruh u MLA ka Nongkrem, ula ong ba ka jingwanrah ka sorkar ia ka khalai nusip kan pynmyntoi tang ia ki katto katne hynrei u paidbah uba bun un ym myntoi eiei.
U la ong ba mynshwa ka jylla ka la pyrshah ia ka jingthmu ka sorkar ban wanrah ia ka khalai Casino bad ka party kan sa shong ban pyrkhat ban ai jingthoh sha ka sorkar. Ki paidbah ha ka jylla kila ud ia ka jingktah ha ka kamai kajih bad tang na ka khwai dohkha ki don ki longïing kiba ud kaba pyllong ia ki briew ban kyrni namar ba ki iabeh sha kata ka khusnam kaba heh ha jaka ban pyndap khaw khun.
Ka khalai nusip T. 50 klur kan myntoi tang ia kiba ioh, ong ka VPP
