Shillong: U MP ka Shillong u Dr. Ricky Andrew J Syngkon ula pynpaw ia ka jingbym sngew iahap ia ka jingpynjlan biang ka sorkar ia ka samoi treikam jong ki district council ba kynthup ia ka KHADC bad ka GHADC.
Haba kren mynta ka sngi, u MP u la ong ba ha ka jingshisha ka party ka la pynsngew ia kane ba kam long kaba dei bad ka bym iahap hynrei kiba don ha ka bor ki don la kajong ka jingsngewthuh.
U la ong ba ka party kam khmih lynti ba ka jingpynbeit thymmai ia ki konstiwensi bad ka elekshon kam dei ban iadon bynta eiei, pynban kiba don ha ka bor sorkar, ki shim da kawei ka rai.
“Ngi la khmih lynti ba ka Delimitation (jingpynbeit thymmai ia ki konstitwensi) bad ka elekkshon kam dei ban iadon bynta eiei bad ka elekshon ka dei ban long kumba ka dei hynrei ki don kiei kiei lehse ha ka jingsngewthuh jong kito kiba don ha ka bor, b aba kin pyndonkam ia ka delimitation ban pynjlan ia ka elekshon. Ka party VPP ka la pynsngew ba ka jingleh ka sorkar kam long kaba dei, bad ka jingpynjlan biang ka long kaei kaei ka bym iahap ha kaba wat u paidbah u pynsngew ia kata”, la ong u Dr. Ricky.
Ym iahap u MP ia ka jingpynjlan samoi ia ki District Council
