Shillong: Ka skul T.G English School na jylla Manipur ka la rah ia ka nam lahduh jong ka 63rd Subroto Cup International Football Tournament U-17, hadien ba ka la pylliem ia ka Myngken Christian Higher Secondary School na Meghalaya da 4-3 lyngba ka tie-breaker ha ka jingiakhun mynta ka sngi ha Delhi.
Ha ka jingiakhun ha madan, kila iakhaid mar kawei. U Namdigong na Manipur u la thep ha ka 32 minit katba u Banpliebok Khongjoh ula thep 64 minit.
U Air Chief Marshal VR Chaudhari, uba dei ruh u Chairman, ka Subroto Mukerjee Sports Education Society (SMSES), ula sam ia ka khusnam sha kiba poi sha ka phainal.
Ka lahduh ka la ioh T. 5,00,000 katba kaba wan baar ka ioh T. 3,00,000. Kiba rem ha ki semi-final ki ioh mar T. 75,000 katba kiba rem ha ka quarterfinal ki ioh mar T. 40,000.
Ia ka nam Best Player (T.40,000) la ioh u Banpliebok Khongjoh, (Myngken Christian Higher Secondary School, Meghalaya), ia ka nam Best Goalkeeper (T.25,000) la ioh u Master Ranidas (T.J. English School, Bishnupur, Manipur), ia ka nam Best Coach (T.25,000) la ioh bah Kitborlang Kharlukhi, (Myngken Christian Higher Secondary School, Meghalaya), ia ka nam Fair Play Award (T.50,000) la ioh ka Guru Gobind Singh Sports College, Lucknow, Uttar Pradesh, ia ka nam
Best School (T.40,000) la ioh ka T.J. English School, Bishnupur, Manipur.
Liem ka Meghalaya ha ka Manipur ha ka phainal ka 63rd Subroto Cup Junior Boys
