Shillong: Mynta ka sngi, ka ophis u District Mental Health Programme, East Khasi Hills ka la rakhe ia ka “Sngi Iada Na ka jingpyniap hi ha ka pyrthei ne ka World Suicide Prevention Day” halor ka phang: “Pynkylla ia ka jingbatai halor ka jingpyniap hi ne Changing the Narrative on Suicide”.
Ka jingthmu jong ka prokram ka long ban ai jinghikai ïa ki paidbah bad ki khynnah skul halor kumno ban ïada ban nym dkhat jubor ïa la ka jingim bad kumjuh ruh ki daw ba pynlong ïa u ne ka briew ban shim noh ïa ka jingim lade.
Haba batai halor kane, u bah Jeffrey Sooting uba dei u Dy. SP, u la ong ba katkum ka kaiphod ka NCRB kiba pyniap hi ki don 1.64 lak ngut kiba pyniap hi ha u snem 2021 katba ha u snem 2022 ka la kiew sha 1.70 lak ngut kiba pyniap hi ialade.
Ka jingdon kiba pyniap hi hapdeng ka rta 18-30 ka la kot sha ka 35 percent, kiba 30-40 ka la kot sha ka 32 percent,
U bah Sooting u la ong ba ki don 540127 hajar ngut ki shim noh ia la ka jingim na ki daw kiba mih ha ïing ha sem, kawei pat ka jingpang kaba ktah ia ka bor jabieng kaba la kot 31484 ngut. Ha ka jinghuri hura ha ka kam shongkha kiba pyniap hi kila kot sha ka 15793 ngut, na ka kyiad ka kot sha ka 11694 ngut, kaba iadei bad na ki kam pisa pilain ka kot 11656 ngut.
Kiwei kiba ai jingkren ki long u Dr. R Kharshiïing u Principal ka Laban Presbyterian School, u Pastor Khraw Sohtun bad kiwei.
Kiba pyniap hi ialade ki la kot sha ka 1.60 lak ngut ha ka ri
