Shillong: Ka kynhun ki Khun ki Hajar ka Hima Sohra kila kynnoh ba ki trok kit mawshun kila shu iaid sahuh beit sak ryngkat u mawshun khlem leit thew satia ha ka weight Bridge ha Majai.
Mynta ka sngi ka 6 tarik Nailur 2024, ki la ujor sha u assistant Commissioner ka tnad Transport halor kane kaba kila kynnoh ba ka dei ka jingleh beain.
Uwei na ki nongshong shnong ka Hima Sohra, u bah Wellbourn Bynnud ula kam ba ka jingsniew ka surok ka Hima ha thaiñ Majai ka dei ka jingkit palat ki trok hynrei kaba kham phylla shuh ka long ba ki trok nalor ba kit palat pud ia u mawshun, ki khlem thew satia ha ki weight bridge hynrei iaid high level beit.
U bah Wellbounr la buh jingkylli, ba kumno ki trok ki ioh ban kit palat pud bad ban iaid khlem leit thew ha ki weight Bridge kaba don ha Tharia bad ha Lailad lada ym don ka jingiatip lang bad kiba dei peit.
U bah Wellbounr Bynnud ula ong ba lada ka tnad Transport kam leh eiei ban pynbeit ia kane, kin sa shim da kiwei ki sienjem.
Ryngkat skui u mawshun, iaid beit ki trok sak khlem thew ha weight Bridge ha Majai
