Shillong: Ka long kaei kaei kaba Pynkmen ym tang ïa ki ba ha iïng ha sem ne ïa ka Khynhun hynrei kaba la Pynkmen ruh ïa ka Ri lum Khasi, Jaiñtia bad ïa ka jylla hi Baroh kawei ha kaba uwei u Samla Khasi uba dang hapoh ka 17 snem ka arta u Samla Steve Jyrwa ba shong ba Sah Ha Nongmynsong Ula ioh rung sha ka Top 6 Ha ka lynpung India Best Dancer Season 4 u ban ïa iareng ïa kiwei ki Nongshad Ha Mumbai mynta ban rung sha Ka Phainal.
Kane kala Pynkmen ïa ka Khynhun AMDA ha ka Jingialam U Bah Kitbok Thabah President bad kumjuh ruh ïa kiba ha ïing ha sem halor ka Jingrung u khun jong ki U Samla Steve sha ka Top 6.
Kaba la Pynlong ïa kiba ha iïng Kynthup ka kmie, ka kmie ieid bad ka kmie San jong utei u Samla ban pan ka jingkyrshan na kaba Bynta ban ai ka jingkyrshan da kaba shu vote hapoh ka Sony live App ha kapor ba shad u tei u samla ha ka sngi saitjaiñ ka 7 tarik bad 8 tarik Sunday ha kapor 8 baje.
Ka Kmei jong u Steve Jyrwa ka kong Bibi Jyrwa kala Pynpaw ka jingkmen bad pan ka jingkyrshan na ka kur Jyrwa bad Khamtam na ki paidbah ka jylla Meghalaya.
Kala Ïathuh ba kadei ka long iïng kaba duna Jingioh ba ha ka por ba leit Shad u Khun kala Kyrshan Tyngeh na ka Bynta Haduh ban da rung sha ka Top 6 bad Kyrmen ban poi sha ka thong jong ka Jingjop.
Na kaliang uBah Kitbok Thabah President Ula Kyntu Khamtam ïa sorkar ba kan phai khmat lem sha ki samla donsap ka jylla kiba wan na ka long ïing kaba duna jingioh.
Ula pyntip ba dang shen Ula la wan aiti ïa ka kot Jingthoh sha ki Myntri ka Sorkar MDA ubah Poul Lyngdoh hynrei ym pat la pliang ïa ka Jingthoh pan jingiarap Haduh kat mynta.