Shillong: Mynta ka sngi, u myntri rangbah ka jylla u Conrad K Sangma ula plie ia u maw kyrteng bad pynieng ia u rishot ba pynher ia ka lama lairong ka ri India bad kumjuh ban pynbha itynnad kum ka Park ha Barik, Shillong.
Kane ka jaka ka heh kumba 3.5 akar ka dei jong ka PWD bad ka sorkar ka la pynkhreh ban pynkylla dur noh ia ka sha ka jaka paidbah.
Ia u rishot ban pynher ia ka lama ka ri India la pynieng ha ka jingjrong ba 40 meter, ha kaba u myntri rangbah ula kyntiew ia ka lama ha kane ka sngi.
Kane ka jaka kaban sa tei pynitynnad kan long ka jaka shongkai pyngngad, ka jaka ieng kali bad kiwei ki jingpynsngew tynnad ia ki paidbah.
U myntri rangbah ula ong ba yn tei pynitynnad ia kane ka jaka ha ka jinglut kaba 25 klur tyngka bad ka jingtrei kan sdang noh ha u Risaw ban wan mynta u snem.
Ula ong ba yn jer kyrteng thymmai ia kane ka jaka bad ka jingthmu ka long ban long ka nongmuna jong ka jingiatylli jong ka jylla bad ka ri.
T.25 klur yn pynitynnad ia ka jaka ha Barik, yn jer kyrteng thymmai ruh
