Shillong: Ka myntri ka tnad ka koit ka khiah ka jylla ka kong Ampareen Lyngdoh ryngkat ki ophisar, ka la leit jngoh ia ki samla Khasi kiba leit trei nurse sha ri Japan.
Ha kane ka jingleit synran jongka, ka la leit jngoh ia ka Tsurumaki Onsen Hospital ban kynduh ia ki Nurse bad u director ha kaba 3 ngut ki Nurse na Meghalaya kila trei ha katei ka hospital lyngba ka jingbtin lynti ka sorkar jylla bad ka Navis Corporation.
Ka la leit jngoh ruh ia ka Alive healthcare centre ha nongbah Tokyo, ha kaba ka la iakynduh ia u President kane ka centre uba kwah ban khot trei Nurse 10 ngut ia ki samla na Meghalaya. Ki nongpyniaid kane ka centre kin wan jngoh ruh ia ka Shillong ha ka 17 tarik mynta u bnai ban pynrung kam Nurse ia ki samla.
Ha kine ki sngi ba ka don sha Japan, ka kong Ampareen kan leit jngoh ruh ia ka Kurihara-shi, Miyagi Prefecture, nangta ia ka Mizudori Farm jong ka Yats Corporation Private Limited ban wad jingtip ia ka jingrep tit Shiitake Mushroom.
Leit jngoh ka kong Ampareen ia ki samla Khasi ba leit trei Nurse sha Japan
