Shillong: U bah Jeffrey warlarpih ba dei u Team Manager lem bad u bah Pynkhrehlang Nongkesh Coach jong ka Nongjri Presbyterian Secondary School, ki dap da ka jingkmen ba ha kane ka kynti kaba mynta, ki khynnah jong kane ka skul, ki la ioh ba kin rah syndon bad ka nam kum ki lahduh na ka kyrdan iakhun jo0ng ka U-15 Subroto Mukherjee Cup 2024 kaba la long ha ka taiew kaba la dep ha Bengaluru.
Haba iakren bad u nongthoh khubor, na ka liang u bah Jeffrey kum u team manager lei lei u la pynpaw ba ka jingkmen ha kane ka kynti, ka dei artad hadien ba ka skul, kan kylla long kaba nyngkong na ka them jong ka ri bhoi ban rah ia kane ka nam kum ka lahduh.
Katba na ka liang u coach, u pynpaw ba kum ka skulk am shim la lah ba kan ailad lait ban khlem da mad ia ki jingeh katta naduh ba sdang jong ka state level namar la shem jingeh ban ioh ia ki jaka ne madan ban pynkilan ne ai jinghikai ia la ki jong ki khynnayh, pynban u coach um lah pat ban khlem da ai khublei ia u DSO u bah Bobby.L. Nongbet bad kumjuh ia u bah Jeffrey,. Kiba ka jingiarap lem ka jong ki ka pynlong ia ka skul ban klet pat ia ki jingeh bad ban rah ia ka thong jong ka jingjop.
Nalor katta u Coach u iathuh ba hadien ba la lah ban rah ia ka nam jop ha ka state level, ka skul, kumban pynkhlain ia la ka jong ka kynhun, la shim ne pynrung kato katne ngut ki khynnah ialehkai bym dei na kane ka skul.
Hapdeng ki jingtynjuh, kmen u coach ba rah takma ksiar ka skul
