Shillong: U myntri rangbah ka jylla u Conrad K Sangma u la pyntip ba ka sorkar ka shem jingeh ban ioh jaka ban pynbna kum ki jaka pyllang um ne catchment area namar ba ki trai jaka kim ai satia.
Haba jubab hapoh ka ïing dorbar mynta ka sngi, halor ka jingkylli kaba la wanrah u MLA ka Mawsynram, u bah Ollan Sing Suin, u Conrad u la ong ba ka sorkar ka la pyntreikam ia ka Meghalaya Protection Catchment Area Act 1990 hynrei namar ba ka la mad ia kane ka jingeh, ka la don ka jingpynkhreh ban wanrah noh ia ka jingpynkylla ia kane ka ain, kaban iahap ia ka jinglong jingman.
U la ong ba ka sorkar ka la jied ia ki katto katne ki jaka kiba la pynhap ha ka jaka pyllang um ha kylleng ki jaka ha ka jylla.
U la ong ba katkum kane ka ain, ka donkam ban ioh ia ka jingmynjur na ki trai jaka lyngba ka jingthoh ban lah ban pynbna kum ka jaka ban pynbna kum ka jaka pyllang um bad kane ka la shem jingeh ia ka sorkar ban iaid shakhmat haba kam ioh ia ka jingmynjur na ki trai.
Shem jingeh ban ioh jaka pyllang um bym ai ki trai jaka, ong u Conrad
