Shillong: U Lat ka jylla un leit jngoh ia ka Law Kyntang ha Mawphlang ha ka 3 tarik Nailur 2024 ban peit ia ka jingstad ki Khasi ban iada bad ban pynneh ia ka mariang.
Ia kane u Lat u C.H. Vijayashankar ula pynthikna ha ka kynhun ki Executive member ka KHADC kaba la leit kynduh mynta ka sngi 30 tarik Nailar 2024 hapoh ka jingialam u CEM bah Pyniaid Sing Syiem, nalor u Dy. CEM bah Pynshngain N Syiem bad kiwei.
Ha ka jingkynduh, u Lat ula pynpaw ia ka jingiap biej ia ka jingitynnad ka mariang ha Meghalaya bad ula kyntu ia u CEM bad ki nongialam ka Council ba kin shim khia ban pynneh bad iada ia ka mariang. Kiwei pat kaba u Lat u la kyntu ka long ban pynbha ia ka pule puthi ha ka jylla bad kumjuh ban iakhun pyrshah ia ka jingkynrei u drok ha ka jylla, kaba la buh jingma ia ka jylla.
Na ka liang u CEM bah Pyniaid ula batai ia u Lat ia ka lariti ka jaitbynriew Khasi, ka rukom synshar khadar lyngba ki dorbar shnong, ki Elaka, ki Raid, bad ki Hima. Ula pyntip ruh ia ki sienjam ba ka Council ka la shim ban pynneh bad iada ia ka mariang.
3 tarik yn leit jngoh u Lat ia ka Law Kyntang ha Mawphlang ba khot sngewbha u CEM
