Shillong: Ka Mawshbuit Boxing Club (MBC)ha ka 27 tarik u nailar 2024 kala pynkup burom ia ki 11 ngut ki khynnah ialehkai kane ka club kiba la iohlad ban leit iashim bynta ha ka state level bad national level.
Ha kane ka sngi la pynkup ia ki khynnah kiba la lah ban wanrah medal bad ia kiba khlem lah ban ioh medal ruh kumjuh, ha kajuh ka por kila pynkup burom ia u Bah Larry kharpran ba dei u Techinical Director ba dha ka juh ka por Jt Secretary ka Boxing Federation of India, uba la ioh ban leit kum u nongpeit pyrman (observer) sha ka Olympic kaba dang shu dep long ha Paris.
Ha kane ka jingialang pynkup burom la wan ban ia don ryngkat da u MLA Mawryngkneng constituency u Bah Heavingstone Kharpran, nangta ki nongialam ka MBA, ki dkhot ka MBC, Bah E. R.S Nongdhar , Rangbah shnong Mawshbuit , Bah T . Mylliempdah Secretary Shnong Mawshbuit.
Ki nongialehkai ba la pynkup burom ha kane ka jingialang ka kynthup ia u Leo Ferdinand Nongkhaw uba la ioh ban khur ia ka takma ksiar bad ha ka juh ka por ban rah ia ka khusnam best boxer, , nangta sa ka Dahunshisha Kharkongor bad ia ka Glaricia Phibarica Khriam kiba la ioh ban khur lem ia ka takma ksiar, nangta sa Naphisakmen Sohtrun ba la ioh ban khur ia ka takma rupa, u Ethanial K Nongkhlaw bad Clifcensius Lyngdoh ba la khur ia ka takma rnong.
Ka synjuk ka pynkup burom ia kiwei ruh ki nongialehkai kampher wat hadien ba kim shym la lah ban ioh ban khur ia ki takma