Shillong: U Myntri Rangbah ka jylla u Conrad K Sangma ula ai khublei ia ka Nongjri P:reabyterian Secondary School kaba la rah ia ka nam lahduh jong ka lympung ialehkai kynjatbol U-15 Boy’s ka 63rd International Subroto Cup kaba la long ha Bengaluru mynta ka sngi.Kumjuh u President ka Meghalaya Football Association (MFA) u bah Hamletson Dohling ruh ula ai khublei ia kane ka skul kaba la wanrah ia ka nam ka burom ia ka jylla.
Ha kajuh ka por, u MLA/MDC ka Mawhati u bah Charles Marngar, uba dei ruh u President ka Managing Committee jong ka Nongjri P:reabyterian Secondary School, u pynpaw ia ka jingsngew kmen kaba khraw hadien ba ki khynnah jong kane ka skul ki la ioh ban rah ia ka nam kum ki lahduh ha ka lymp[ung ialehkai jong ka U-15 Boy’s ka 63rd International Subroto Cup kaba la long ha Bengaluru mynta ka sngi.
Na ka liang u bah Charleskum u president jong ka managing committee u la ai klhublei ia ka kynhun hadien ba kan wanrah ia ka nam bad ka burom, bad khlem da klet ban ai khublei ia u coach, team manager bad team official kiba la leit ban synran.
U Bah Charles u la ong ba kane kam dei shuh tang ka burom ia ka Nongjri Presbyterian SS, pynban ka dei ka burom kaba khraw ia ka Ri-Bhoi District hi baroh kawei ba dia ka jylla.
U Bah Charles u pyntip ba hynne ka nsgi katba u dang don hapoh ka iing dorbar thawain,. U la ioh ban phun ia u Chief Minister ha kaba u la iathuh ba ka kynhun ka khreh ba kan wanphai da ka rel sha la ka jylla, ia kaba la sngewthuh ba ha kane ka jingiakren bad u Chief Minister la phah wan noh da ka liengsuin ia kane ka kynhun kaba don baroh 23 ba kan wanphai noh sha la iing.
Ai khublei u MR, MFA, u MLA ia ka skul Nongjri Presbyterian ba rah ia ka takma ksiar ka U-15 International Subroto Cup
