Shillong: Ka sorkar jylla ka la sngew kyndit hadien ba ka Harijan Panchayat Committee kiba sah ha them iewmawlong kila pan por biang. Ha ka jingshisha ha ka jingialang kaba long ha ka 10 tarik mynta u bnai, ka sorkar ka la ai por khadduh haduh 15 sngi ba kin pyntip bad ka la kren shai ba kan ym ai por shuh hadien kane.
Hynrei mynta kane ka Harijan Panchayat Committee ka la pan por biang na ka sorkar ba kan ai ia ka jingtip haduh u bnai Nailur ban wan.
U symbud myntri rangbah ka jylla u bah Prestone Tynsong haba kren mynta ka 27 tarik Nailar 2024, ula ong ba ka sorkar ka la ioh pdiang ia ka shithi na ka Harijan Panchayat Committee bad mynta kan shong jingialang shwa ban shim ia ka rai halor kane.
Ka Harijan Panchayat Committee (HPC) ha ka sngi Nyngkong ka la kyrpad sha ka sorkar jylla ban pynjlan ia ka por ban jubab halor ka jingthmu ban pynkynriah ia ki 342 tylli ki longing na Them Iew Mawlong (Sweeper’s Lane).
U secretary ka HPC u Gurjit Singh u la ong ba hadien ka jingialang kaba dang shen ha kaba u Deputy Chief Minister u la ai jingmut ba ka Committee kan pynsngew ia ka rai ba khatduh jong ka hapoh ar taiew, ka Harijan Panchayat Committee ka la ban jur ba ka por kaba lyngkot kam biang satia ia ki ban iasyllok bad ki ba ha khlieh duh ki bor synshar jong ka jaitbynriew Sikh.
Kyndit ka sorkar ba pan por biang ka Harijan haduh u Nailur
