Shillong: U MLA ka Congress na Mylliem u bah Ronnie V Lyngdoh ula iehnoh ia ka kam Leader of Opposition hadien ba ula sah marwei na ka jingphet noh lai ngut kiwei pat ki paralok MLA jong u.
Ia ka shithi iehnoh ia kane ka kam, u la aiti ha u Speaker mynta ka 27 tarik Nailar 2024, la pyntip u Commissioner & Secretary ka Assembly u bah Andrew Simons.
Lah ban kdew ba u Speaker ula ithuh ia u bah Ronnie kum u Leader of Opposition mynshem snem na ka Congress kaba don san ngut ki MLA hynrei u MLA ka Congress u Saleng A Sangma ula iehnoh ia ka jinglong MLA hadien ba ula jop kum u MP na Tura. Dang shen, sa lai ngut ki MLA ka Congress, kynthup u bah Charles Marngar na Mawhati, bah Gabriel Wahlang na Nongstoin bad u Dr. Celestine Lyngdoh na Umsning kila phet jyndat na ka seng ban leit iasoh sha ka NPP, bad kane ka la pyllong ia ka Congress ban sah sa tang u bah Ronnie marwei ha ka iing dorbar kaba don 60 ngut ki MLA.
Iehnoh u bah Ronnie ia ka kam LO ba sah marwei
