Shillong: U MP ka Shillong u Dr Ricky AJ Syngkon ha ka 27 tarik Nailar 2024 u la leit jurip ia ka NEIGRIHMS hospital ban khmih ia ki jingduna kiba don hapoh katei ka hospital.
U la ong ba watla ka dei ka hospital kaba la rim bha hynrei ka dang don shibun ki kam ba hap ban leh ban nang pynbha shuh shuh khnang ba kan long ka jingmyntoi ia ki paidbah ka jylla bad kumjuh ruh ia kiba na kiwei pat ki jylla kiba don sha ka thain lam mihngi.
U MP u la ong ba un iai buddien ban pynlong ia ka NEIGRIHMS kum ka hospital kaba kongsan bad kaba bha tam ha ka ri, khamtam lyngba ka jingiatreilang ki doktor ki nurse ki nongshah sumar bad ki nongtrei ka hospital, yn lah ban pynurlong ia ka jingthmu.
Ha ka jingleit jurip, u la iakynduh ia u Medical Superintendent u Prof. (Dr) C Daniala uba la pyntip ha u MP ba ki jingduna ha NEIGRIHMS ki dang bun bad ka jingeh ba ki nongtrei ki ïakynduh.
U la ong ba ki nongtrei bad ki kynhun ki la ïoh ban pynsngew ïa ka jingeh kiba ki kynduh bad kila kyrpad ba un wad ïa ki lad ki kumno ban weng ïa kane ka jingeh.
Hiar jurip u MP ka Shillong ia ka NEIGRIHMS ban wad jingtip ia ka jinglong jingman
