Shillong: Mynta ka step 25 tarik Nailar 2024, ki runar kila ioh lute palat T. 4 lak na Umran Dairy Petrol Pump, Ri-Bhoi district.
Katkum ka jingtip, kine ki runar kila ioh lad ban lute na katei ka petrol pump ha ka por ba u manager uba la tip kum u Sanjay Sharma ula mih ban leit shabar ha ka por 5 baje mynstep, hynrei kine ki runar kiba kah dur khmat kiba la ap lypa, kila bat sbak ia u bad kila teh ia ki kti ki kjat bad ym tang katta, kila ot pynmynsaw ruh ia ka kti jong u.
Shuh shuh kila teh ruh ia ki kti ki kjat sa ia uwei pat u nongtrei da kaba pynap da ki tiar pynmynsawi.
Hadien kane, kila knieh ia u shabi synduk pisa, bad ki la ioh khung 4 lak 24 hajar 14 tyngka bad phet noh bak na katei ka jaka.
U manager katei ka pump ula ujor ejahar ha Umsning Police Station halor kane ka jingjia bad ki pulit ki dang pyllong ia ka jingtohkit.
Teh bad ot ki runar ia ka kti u manager, lute palat T.4 lak na Umran Petrol Pump
