Shillong: U Lamphang ka ïing dorbar thaw ain ka jylla u Thomas A Sangma ula ong mynta ka sngi 23 tarik Nailar 2024, ba un pynduh noh ia ka jinglong nongialam liangpyrshah u bah Ronnie V Lyngdoh ka Congress hadien ba ula sah sa marwei.
Lai ngut ki MLA ka Congress kila phet noh sha ka NPP bad ka Congress kaba don 5 ngut ki MLA mynshwa, mynta ka sah sa tang marwei.
U Thomas ula ong ba lada u bah Ronnie um risain hi, na ka liang jongu, un pynmih ia ka jingpynbna na ka ophis jongu, ban pynduh noh ia ka kam nongialam liangpyrshah ia u bah Ronnie.
Ha kajuh ka por, ula ong ba ula pynskhem ia ka jingleit iasoh ki 3 ngut na ka Congress sha ka NPP ka long kaba shongnia.
Yn pynduh kyrdan LO u Lamphang ia u bah Ronnie
