Shillong: U Speaker ka Assembly u Thomas A Sangma ula pyntip hapoh ka ïing dorbar ba u MLA ka North Shillong u bah Adelbert Nongrum ula pan pynjlan ia ka por shong dorbar namar ba ka lyngkot palat.
Haba iadei bad kane, u Speaker ula eksamin bad ula ailad ia u bah Adelbert ban pynsngew halor kane.
Haba wanrah ia kane, u bah Adelbert ula ong ba kane ka dorbar synrai ka dang kloi kaba dang jur jhieh bha.
Ula dawa ban pynjlan ia ka por bad ai kylluid ia ki mat ban wanrah khamtam na ki MLA ka liangpyrshah. Ula dawa ban pynjynsur ia ka kyndon ban ailad ban wanrah ia ka call attention, zero hour.
Ka jingai por tang 2 sngi ia ki MLA liangpyrshah ka la kham palat ka por ban kren ia ki mat ki jura.
Halor kane, u myntri ka tnat Parliamentary Affairs, u bah Prestone Tynsong ula ong ba mynshem snem ka dorbar synrai kala long kumjuh hi.
Ula ong ba lah ban pynjlan ia ka jingiatai 2 ne 3 kynta haba donkam ia ki mat.
Halor kane, u MLA ka Nongthymmai bah Charles Pyngrope ula ong ba lada dei ban pynjlan ia ka sngi shong dorbar, hap ban khot biang ia ka Business Advisory Committee.
Halor kane, u Speaker ula ong ba u lah ban pynjlan ia ka por, ym ia ki sngi shong dorbar.
Hadien ba u bah Adelbert um treh ban weng ia kane ka jingdawa, u Speaker ula pan ia ka sur ka ïing bad ka ïing dorbar kala kyntait ia ka jingdawa u bah Adelbert.
Pan pynjlan por u bah Adelbert ban shong dorbar, kyntait ka iing dorbar
