Shillong: U myntri ka tnad bording ka jylla, u AT Mondal u la ong ba ka kynhun na ka thain Warsanglyngdoh, kynthup ki trai jaka, ki seng hapoh ka lama ka Joint Action Committee of Local People On Kynshi Hydro Power Project, kila tyrwa ban ai ka jingiatreilang bad ka sorkar na bynta ban pynurlong noh ia kane ka projek pynmih bording.
Kane ka kynhun ka kynthup ia ki trai jaka Warsanlyngdoh Sangriang Mawpun,SSSWA, KSU Warsanlyngdoh bad ki Rangbah Shnong.
Haba kren sha ki nongthoh khubor, u Mondal u la ong ba kam don eiei kumba ka long mynta hynrei ka sorkar ka dang wad ia ki lad ki lynti ban pynurlong ia kane ka projek.
U Mondal u la ong ba ka sorkar ka la pyndam ia ka soskar bad ki kompeni kiba la iateh namar ba kim shym la sdang kam eiei bad kam dei ba ka pyndam ia ka power projek.
U myntri ula ong ba ka sorkar ka dang pyrkhat ban iakren bad ki kompeni ka sorkar India kum ka NEEPCO, NTPC lada ki mon ban pyntrei ia kine ki projek bording ha ka jylla.
Lah ban kdew ba ka sorkar kham mynshwa, ka la pyndam noh ia ka soskar kaba iasoi bad ki kompeni hadien ba kim shym la sdang ia kano kano kam.
Tyrwa sngewbha ki paidbah ban pynurlong noh ia ka Kynshi Hydel Power Project
