Shillong: Ka sorkar jylla ka la pynkhreh ban buh ia ka Police Station Ha Umtyngngar kaba don ha ka surokbah ban leit sha Pynursla-Dawki bad sha Sohra.
Ha kane ka sngi baar, u MLA ka Sohra u bah Gavin M Mylliemngap lem bad ki ophisar ka tnad pulit, ki ophisar na ka PWD, kila hiar sha Umlympung Khatarmer hajan ka Umtyngngar ban peit ia ka jinglong jingman jong ka jaka ban buh ia ka Police Station.
Katei ka jaka ka dei u pud u sam jong lai tylli ki Police Station kynthup ka Mawngap Police Station, Pynursla Police Station bad ka Sohra Police Station.
Ka jingpynkhreh ka sorkar ban buh ia ka Police Station Ha katei ka jaka, ka long ban ai ka jingshngain bad ka jingshakri kaba kham bha bad kham jan sha u paidbah.
Pynkhreh ka sorkar ban buh Police Station ha Umtyngngar
