Shillong: U Acting Syiem ka Hima Langrin u bah B. Syiemiong u la kyntait war ia ka jingkynnoh ka seng samla hima Langrin ba ula pyndem ha ka Management Board bad ba u la sei sop sop ia ka pisa jongka Hima.
Haba kren ha ka 21 tarik Nailar 2024, u Acting Syiem u la ong ba haduh mynta kim shym la pat pyndem ha ka management board bad ki dang ialeh haduh mynta bad ka jingkynnoh u bah PS. Lyngdoh ka long kaba ialam bakla ia u paidbah bad u khun u hajar.
Halor ka jingkynnoh ba u la leit ban pyndem sop sop ha ka management board ban sei ia ka pisa kaba kot haduh saw klur 30 lak kaba la ioh na jingburia ia ka jingduh ka jaka na ka jingker sainar shiah, u Acting Syiem u la ong ba ka pisa kaba la dep ban sei ar klur 15 lak ka dei lyngba ka jingiatiplang baroh ki dkhot ka executive dorbar ym ba dei ba u leit sei ma u marwei.
U payiem B. Syiemiong u la pynpaw ruh kim pyndem tdong ha ka management board hynrei ka Hima Langrin kan ialeh haduh ban da ioh ia la jingbishar kaba hok ban ym ai ia ka khyndew sha ki briew kiba kam ri kynti kaba dei ka iing jong u Syiem uba la shah sospon u bah Nangtei Syiemiong.
Khlem pyndem tdong ne sei sop sop ia ka pisa ka Hima, pynshai u Acting Syiem ka Hima Langrin
