Shilllong: Ka kynhun lehkai ka Shillong Lajong FC ka la ioh rung sha ka Semi Final hadien ba ka la lah ban pynliem ia ka Stun Emami East Bengal da 2-1 kol ha ka jinglehkai jong ka lympung 133rd Indian Oil Durand Cup ba long mynta ka sngi ha la iing ha ka JN Stadium, Polo Shillong.
Ha kane ka jinglehkai ia ka 2 kol ka Shillong Lajong FC la thep da u Rudwere ha ka kylla ba nyngkong ha ka 8 minit bad ha ka kylla baar jong ka jingiakhun ka Lajong ha ka 83 minit ka la ioh ban pynkhih jar biang jlang da u Figo ha ka 83 minit.
Katba ka shi kol na bynta ka Emami East Bengal FC la thep da u Nandha ha ka 77 minit ha ka jingiakhun.
Lyngba kane ka jingjop, ka Shillong Lajong mynta ka la ioh ban rung sha ka Semi-finals jong ka 133rd IndianOil Durand Cup.
Ha kane ka jinglehkai, ki paidbah na kylleng ki jaka ki la wan ban sakhi bad ai ka jingkyrshan ia ka kynhun lehkai na kane ka jylla.
Ia baroh ki 43 tylli ki jinglehkai jong ka 133rd IndianOil Durand Cup yn pyni Live ha Sony Sports Network (Sony Ten2 HD) bad kumjuh ha SonyLiv OTT
Ba ai mynsiem u 14 hajar ngut tam u paidbah, pylliem ka Lajong ia ka East Bengal kdur dur dur
