Shillong: Lai ngut ki MLA ka Congress kiba leit iasoh noh sha ka NPP, kila ong ba ki leit rung sha ka NPP khlem kano kano kyndon ban dawa shuki myntri sorkar hynrei ban wanrah ia ki kam pynroi.
Haba kren sha ki lad pathai khubor, u Dr. Celestine Lyngdoh u la ong ba kam don kano kano ka jingdawa ban ai shuki myntri haba ki leit iasoh sha ka NPP hynrei ka kyndon kaba ki buh ka long ba ki kwah ban wanrah ia ki kam pynroi sha ki konstitwensi.
Halor ka jingkynnoh ba ki paidbah ba kila shah thied da ki klur ha ka NPP, u Dr. Celestine u la ong ba watla ki MLA ki trei hok, ki kyrduh katno katno ruh ha iing, hynrei ka dei ka rukom jong ki paidbah ban kren kumta bad ia ka nia paidbah, ym lah ban tehlakam.
Halor ka jingkyllli ia ka kyntien high level tribe, kaba ula ther ha ka ïing dorbar kaba la dep, u Dr. Celestine u la ong ba dei naduh ba ula kren ia kane, ba ka jingkhaïi dewiong beain ka la kynjah mynta.
Ha kajuh ka por, u la ong ba ia ka shithi kaba kila ai sha u Speaker ka dei naduh ka 14 tarik Nailar 2024, ba ki la iasoh sha ka NPP bad ha ka 19 tarik Nailar 2024, u Speaker ula pynskhem ia ka rai jongki ban iasoh bad ka NPP da kaba phet na ka Congress hadien ba kila don 2/3 bynta na ka jingdon ki dkhot ka party.
‘Ngi rung sha ka NPP, khlem dawa shuki eiei’, ong ki 3 ngut ki MLA
