Shillong: Ka jingïakhih ba khlem pud sngi jong ki nongtrei SSA hapoh ka shatri jong ka All Meghalaya SSA Non-Teaching Staffs Association (ASNSA) ka la kynjoh sha ka 19 sngi 18 miet ban pynbor ïa ka Sorkar Jylla ban pynurlong ïa ka jingdawa ban kyntiew ïa ka tulop kaba 80 percent.
Ha ka jingïakren bad u nonglum khubor mynta ka 19 tarik Nailar 2024, ka President jong ka Association ka Kong Jenifer Synrem ka la ïathuh ba kan iashong jingialang mynta ban shim ia ka sienjam kaba kham tyngeh.
Ka la ong ba ka jingbteng ia ka jingiakhih ka dei namar ba kam pat hun ia ka jingiakynduh kumba san sien haduh mynta. Ka la ong ba ka sorkar ka la tyrwa ban pynkiew tang 2 percent bad ka increment kaba san percent hynrei ia ka jingdawa kaba 80 percent ka sorkar kam pat lah ban ai ia ka rai.
Lah ban kdew ba ka sorkar ka la thung ia ka Rationalisation Committee hapoh ka jingialam u Commissioner & Secretary u Vijay Mantri ban eksamin ia ka jingdawa ki nongtrei SSA.
La 19 sngi 18 miet shong ki nongtrei ha madan Malki, khlem pat mih soh eiei
