Shillong: Katkum ka kyrwoh khubor ba la phah u Hamewanpynhun Ryngkhlem u Publicity Secretary ka KSU East Jaintia Hills District Unit, la iathuh ba ki shipai khappud ka ri Bangladesh, ki Bangladesh Border Guard (BGB) kila pyrkhing bha ia kiba rung tuh sha katei ka ri bad kumjuh ki Border Security Force (BSF).
Halor kane, u nongialam ka KSU ula maham ia ki Khasi kiba sah sha Bangladesh ba kin husiar ban ym tam pud ioh jia kaba sngewsih.
Ka seng Khasi Student Union, East Jaintia Hills District Unit ha ka 17 tarik Nailar 2024, kala leit ai mynsiem ia ki paidbah jong ki shnong kiba hap ha khappud kynthup ia ka shnong Lailong, Lejri, Lahalein, Huroi bad Hingaria.
Ka jingleit ka seng ka long ban peitngor ia ka jingwan rung beain ki mynder na Bangladesh ha kaba kane ka ri ka don ka jingiaum snam ba shyrkhei.
Ha kane ka sngi ka seng ka la ioh ban pynlong ka jingialang ha ka shnong Huroi ha kaba la wan shim bynta da baroh ki saw tylli ki shnong kiba mih khmat da ki waheh shnong bad secretary shnong kumno ban pynrkhing shuh shuh iaka jingwan rung ki mynder na Bangladesh.
Jurip khappud ka KSU East Jaintia, pyrkhing ki BSF bad BGB kat ia kiba tam pud
