Shillong: Naduh u bnai ban wan u Nailur, ka sor Shillong kan sakhi ia ka jinglynguh thui ban sakhi ia ki nongrwai ba paw jong ka pyrthei.
Katkum ka jingpynkhreh ka sorkar Meghalaya, u nongtem DJ na ri Norway, u Alan Walker un wan ban pynshongshit ha ka 28 tarik Nailur ha Lariti Performing Centre, Mawkasiang.
Uwei pat u nongrwai ba pawnam u Bryan Adam na ka ri Canada, un wan ban pynlynguh ha ka 10 tarik Nohprah 2024 ha JN Stadium, Shillong.
Shwa ia kane, ka tamasa Cherry Blossom kan long ha ka 15 bad 16 tarik Naiwieng 2024 ha JN Stadium, Polo.
Shwa ia kane, ka Cherry Blossom Festival kan long ha ka 15 bad 16 tarik Naiwieng ha madan Kurkalang Bhoirymbong, kaba long teng mynshem snem. Ka Megha Kayak kan long ha ka 10-12 tarik Risaw, nangta ka Shillong Literary ha Nan Polok.
Ka Me Gong Festival kan long ha ka 29-30 tarik Naiwieng ha Baljek Airport, Jengjal, West Garo Hills.
Ka Hills Festival kan long ha ka 6-7 tarik Nohprah ha Lum Er Pyngnad, Umbir, bad ka Winter Tales kan long ha ka 12-14 tarik Nohprah 2024.
Dang shen, u myntri ka tnad jngohkai ka jylla u bah Paul Lyngdoh ula ong ba ka sorkar kan sa pyllait paidbah ia ki Tarik jong ki tamasa ha kine ki sngi ban wan bad u la ong ba ka jingpyllong ia kum kine ki tamasa ka long ban kyntiew ia ka kam jngohkai ha ka jylla bad kumjuh ban plie lad ia ki samla ha ki sap ba ki don.
28 tarik yn wan u Alan Walker, 10 tarik yn wan rwai u Bryan Adam
