Shillong: U myntri rangbah ka Meghalaya u Conrad K Sangma ha kane ka sngi Baar ka 13 tarik Nailar 2024, ula plie ia ka kper rep tit ka Mendipathar ka North Garo Hills.
Ia kane ka projek la tei ha ka jinglut kaba ₹.10 klur, ban kyntiew ia ka kam rep tit. Lyngba kane ka kper rep tit kan ai jingmyntoi ym duna ia ka 1000 ngut ki nongrep.
Ia kane ka projek la pyntrei ka Mendipathar Multipurpose Cooperative Society hapoh ka jingialam ka, Sister Rose bad la bei pisa ka SFRUTI scheme na ka MSME bad ₹3 klur la sei na pla ka sorkar jylla.
Ha kane ka prokram u myntri rangbah ula khaweh lama ruh ia ki kali kit jri namar ba ka North bad ka East Garo Hills ka dei kaba ju pynmih jri bun bha ha ka thain bad ka sorkar kan kyrshan ia ki nongrep ha kane ka kam.
Ia ka Chinx Unit ruh la ai sha ka Mendipathar Multipurpose Cooperative Society.
Plie u Conrad ia ka ïing rep tit ha Mendipathar kaba T. 10 klur
