Shillong: U myntri sorkar jylla uba dei ruh u nongialam ka NPP, u Rakkam A Sangma u la ong ba um tip eiei, ban don mano mano ki MLA na kiwei ki party ban wan iasoh sha ka NPP, hynrei lada ka long kaba shisha, kan long kaba sngew tynnad shibun.
Haba kren mynta ka sngi, u Rakkam u la ong ba ban shong ha ka liangpyrshah kan ym don jingmut bad kan long kaba eh than ban kit ia ki lad pynroi.
U Rakkam uba peit ia ka tnad pule puthi ha ka jylla, u la ong ba ka jingmih khubor ban wan iasoh ki MLA ka Congress ha ka NPP, ka lah ban long kaba shisha ne ka bym shisha ruh. U la ong ba kan kham bha shibun ban iatreilang ba kiwei kin wan iasoh bad ka NPP namar ba ka thong ki MLA ka long ban synshar ban shakri ia ki paidbah.
Kam don jingmut ban shu pyrshah tang ba dei ka liangpyrshah, hynrei kan bha ban shu iatreilang bad ka sorkar khnang ban iaid beit ki kam pynroi.
Ha kine ki sngi, la her ka hamsaia ba ki don 3 ngut ki MLA ka Congress kiba la iapynbeit por ban rung noh sha ka NPP shwa ka elekshon shiteng samoi ha Gambegre, hynrei ki nongialam kine ki party kila kyntait ban don kano kano kaba kum kata.
Ngam tip ka dei ne ka lait, ban don ki MLA ban wan rung sha ka NPP: Rakkam
